ठगीको आरोपमा एक युवक पक्राउ

काठमाडौँ, २१ वैशाख । वैदेशिक रोजगारीका लागी न्युजिल्याण्ड पठाउँछु भनेर ठगेको आरोपमा प्रहरीले एक युवकलाई पक्राउ गरेको छ ।

प्रहरीका अनुसार धादिङको गजुरी गाउँपालिका घर भएर काठमाडौँ बस्ने २६ वर्षीय अर्जुन कँडेललाई पक्राउ गरेको हो । 

उनले आकर्षक तलबको लोभ देखाएर पीडितसँग ९ लाख लिएर फरार भएका थिए । थप अनुसन्धान र कारवाहीका लागी कँडेललाई वैदेशिक रोजगार विभागमा पठाइएको छ ।