काठमाडौँ, २५ जेठ । सन् २०२४ को सुरूदेखि जुन पहिलो सातासम्म देशभरका ६९ जिल्लामा डेङ्गु संक्रमण देखिएको छ ।
इपिडिमियोलोजी तथा रोग नियन्त्रण महाशाखाका अनुसार यही जुन ५ सम्म ६९ जिल्लामा डेङ्गु पुष्टि भइ एक हजार १०५ जनामा संक्रमण देखिएको हो ।
संक्रमितमध्ये सबैभन्दा धेरै ३४.८ प्रतिशत वाग्मती र २३.९ प्रतिशत कोसी प्रदेशका छन् । ईडीसीडीका अनुसार, काठमाडौँमा सबैभन्दा धेरैमा संक्रमण भएको छ । यो अवधिमा काठमाडौँमा ११२, झापामा १०९, चितवनमा ७३, मकवानुरमा ५८ जना संक्रमित भएको तथ्यांक छ । यीबाहेक अरू जिल्लामा संक्रमितको संख्या ५० भन्दा कम छ । मुगु, डोल्पा, जुम्ला, बैतडी, मनाङ, मुस्ताङ, सिरहामा भने यो वर्ष हालसम्म डेंगी रेडर्क नभएको ईडीसीडीले जनाएको छ ।
सन् २०२३ मा नेपालमा ५२ हजार ७०० जनामा डेङ्गु पुष्टि भएको थियो । डेङ्गु संक्रमणबाट २० जनाको मृत्यु भएको थियो ।
प्रतिक्रिया दिनुहोस्