माल्टा पठाउँछु भन्दै ठगी गर्ने पक्राउ

काठमाडौँ, ७ असार । वैदेशिक रोजगारीमा पठाउने भन्दै विभिन्न व्यक्तिबाट रकम उठाएर ठगी गरेको आरोपमा प्रहरीले एक जनालाई पक्राउ गरेको छ । 

वैदेशिक रोजगार विभागको उजुरीका आधारमा उपत्यका अपराध अनुसन्धान कार्यालयको टोलीले बझाङका केशवराज जोशीलाई आज बिहान पक्राउ गरेको हो ।

जोशीले वैदेशिक रोजगारीमा माल्टा लगायतका देशमा पठाइदिने भन्दै रकम असुलेको बुझिएको छ । पक्राउ परेका जोशी सङ्घीय मामिला तथा सामान्य प्रशासन मन्त्री भानुभक्त जोशीका भतिज नाता पर्ने बुझिएको छ ।