रिभल्वरसहित एक जना पक्राउ

काठमाडौँ, १४ भदौ । सिन्धुलीबाट प्रहरीले रिभल्वरसहित एक जनालाई पक्राउ गरेको छ ।

जिल्ला प्रहरी कार्यालय सिन्धुलीका अनुसार कमलामाई नगरपालिका–१० दोभान घर भएका ४७ वर्षीय भिमबहादुर हायुलाई पक्राउ गरेको हो ।

उनले घरमा चामल राख्ने प्लाष्ट्रिकको ड्रममा लुकाएर राखेको अवस्थामा एकथान रिभल्वर र ६ राउण्ड गोली बरामद गरिएको हो । बरामद रिभल्वरमा एनएफ–१० एफ लेखिएको छ । घटनाबारे इलाका प्रहरी कार्यालय भिमानले अनुसन्धान गरिरहेको छ ।