आजको राशिफल

काठमाडौँ, १५ भदौ । आज २०८१ साल भदौ १५ गते शनिबारको राशिफल । 

मेष : विदेशमा भन्दा स्वदेशमा गरेको लगानीबाट फाइदा हुनेछ। राज्यका महत्त्वपूर्ण ठाउँमा काम गर्ने अवसर मिल्नेछ। परिवारको व्यवस्थापन गर्न नसक्दा बिबाद बढ्ने जोखिम देखिन्छ। अप्रिय समाचार सुन्नाले खानामा अरुची बढ्नेछ।

वृष : निजी काममा सहभागी हुनु फाइदा हुनेछ। तपाईंको बोलीमा शक्ति भएकाले बोल्दा ख्याल गर्नु राम्रो हुन्छ। सचेत भएर बोलेमा तपाईंको बोलीको प्रशंसा हुनेछ। परिवारसँगको प्रेम सम्बन्ध सुमधुर बन्नेछ।

मिथुन : आज तपाईंले बनाएका योजना सफल बन्नेछन्। रोकिएका काम बन्ने दिन छ। नसोचेको धन हात लाग्नेछ। धेरै समय पछाडि बन्धुको साथ मिल्नेछ। परिवारको वैचारिक द्वन्द्वले उग्र रुप लिने जोखिम भने कायमै छ।

कर्कट : नयाँ ठाउँको चर्चाले मन छुनेछ। ज्ञान र विज्ञानको मर्म बुझ्ने अवसर प्राप्त हुनेछ। तपाईंले जटिल ठान्नुभएको काम सहजै बन्ने योग छ। प्रेमको नाममा खर्च बढ्नेछ। ऋणको भार बढ्ने भएकाले कारोबार गर्दा सचेत बन्नु राम्रो हुनेछ।

सिंह : लामो समयदेखि मनमा गुम्सिएका भाव पोख्ने समय छ। शुभग्रहको गोचरी बलियो भएकाले नयाँ योजना बनाउने हिम्मत गर्नु राम्रो हुनेछ। परिवारमा प्रेमको सुरुवात हुने दिन छ। विपरीत लिंगप्रति आकर्षण बढ्नेछ। घरमा अतिथिको आगामन हुनेछ।

कन्या : आम्दानी भन्दा खर्च बढ्नेछ। आफन्तसँग बोल्दा अप्रिय शब्द फुत्किने भएकाले सोचेर बोल्नु राम्रो हुनेछ। शिक्षाको क्षेत्रमा प्रगति हुनेछ। परीक्षा लेखेको भए राम्रो नतिजा प्राप्त हुनेछ। परिवारसँग शान्तिपूर्ण दिन बित्नेछ।

तुला : प्रविधिक र न्यायिक क्षेत्रमा सफलता मिल्नेछ। शिक्षाको क्षेत्रमा गरेको प्रयासले उत्साह बढाउने छ। व्यापारिक कारोबारमा फाइदा हुने योग छ। दक्षिणको लामो यात्रा नगर्नु राम्रो हुनेछ। प्रेम सम्बन्ध भने सुमधुर बन्नेछ।

वृश्चिक : दैनिकी उत्साहजनक छ। परिवारसँग रमाइलो घुमघाम हुनेछ। नराम्रो समाचारले भने केही समय मन अशान्त बन्नेछ। ठुला व्यक्तिसँगको संगतले समाजसेवाको अवसर मिल्नेछ।

धनु : नयाँ कामको थालनी हुनेछ। साथीको सहयोगमा ठुलाठुला कामको सुरुवात हुनेछ। समाज र राज्यले गरेको बेथितिको बारेमा चर्चा र परिचर्चा हुने भएकाले सभ्य समाजको सुरुवात हुनेछ। परिवारसँग रमाइलो भेटघाट हुने योग छ।

मकर : सञ्चित धन खर्च हुनेछ। सँगैका साथीले तपाईंको कुर काट्ने खतरा छ। तपाईंको कार्यशैको चारैतिरबाट आलोचना हुनेछ। न्यायपूर्वक गरेको लगानी र परिवारसँगको सम्बन्धले दिन रमाइलोे बन्नेछ।

कुम्भ : दिन सामान्य छ। परिवार, समाज र प्रेमिकाबाट अबहेलना हुनेछ। राज्यको तर्फबाट भय र त्रासको सम्भावना छ। यसले मन दुःखी बनाउने छ। राजनीतिक संगठनले भने संकटमा तपाईंलाई साथ दिनेछ।

मीन : अचानक स्वास्थ्यमा समस्या हुनसक्छ। खानपानमा विशेष ध्यान दिनुपर्ने दिन छ। अनुत्पादक क्षेत्रमा बढी नै खर्च हुनेछ। संकटमा पर्दा परिवार र संगठनको साथ मिल्नेछ।