प्रधानमन्त्री ओलीद्वारा कुशे औंसीको शुभकामना

काठमाडौँ, १७ भदौ । प्रधनमन्त्री केपी शर्मा ओलीले कुशे औंसीको अवसरमा देश तथा विदेशमा रहनुभएका सम्पूर्ण नेपालीहरुमा शुभकामना व्यक्त गर्नुभएको छ ।

पिता नेपाली संस्कृतिले पालनकर्ता, ज्ञानदाता र संरक्षकको रुपमा सम्मान गर्ने उल्लेख गर्दै प्रधानमन्त्री ओलीले शुभकामना व्यक्त गर्नुभयो । उहाँले आफ्नो सामाजिक सञ्जालमा भन्नुभएको छ, ‘आज बुबाको मुख हेर्ने दिन, पिताजीलाई हाम्रो संस्कृतिले पालनकर्ता, ज्ञानदाता र संरक्षकका रूपमा सम्मान गर्छ। सम्पूर्ण पिताजीहरुलाई नमन, सुस्वास्थ्य र दीर्घायुको कामना १ यस दिनलाई कुशे औंसीका रूपमा पनि मनाइन्छ। कुशे औंसीको सबैलाई शुभकामना !!’