काठमाडौँ, १८ असोज । कार्तिक १५ गते लक्ष्मीपूजाको दिन रिलिज हुन लागेको फिल्म ‘एक्टरः टेक वन’ले कमेडी रियालिटी शो ‘कमेडी दरबार’सँगको सहकार्यमा राष्ट्रिय स्तरको प्रचारात्मक टुर गर्ने भएको छ ।
टुर काठमाडौँ र उपत्यका बाहिरका ६ सहर इटहरी, नारायणगढ, बुटवल, नेपालगन्ज, दाङ, र पोखरामा हुनेछ ।
कार्तिक १ देखि ७ गतेसम्म आयोजना हुने टुरमा सुनसरीको इटहरीबाट सुरु भई, चितवनको नारायणगढ, रुपन्देहीको बुटवल, बाँकेको नेपालगन्ज, दाङको तुलसीपुर, र कास्कीको पोखरामा पुगेर सम्पन्न हुनेछ । फिल्मका निर्माता थमन कुमार भण्डारीले कार्यक्रममा स्थानीय प्रतिभाहरूलाई पनि स्थान दिने जानकारी दिएका छन् । लिभेन्ट्स स्टुडियोजले व्यवस्थापन गर्ने यो कार्यक्रम खुला र निःशुल्क हुनेछ।
प्रतिक्रिया दिनुहोस्