खैरो हेराइनसहित एक जना पक्राउ

काठमाडौँ, २२ असोज । झापाको मेचीनगर नगरपालिका वडा नम्बर ६ स्थित पुरानो मेचीपुल हुँदै भारतबाट नेपाल आउँदै गरेका एक युवक खैरो हेरोइनसहित पक्राउ परेका छन् ।

सोमबार बेलुका सवा सात बजे लागुऔषध नियन्त्रण ब्युरो काँकरभिट्टाबाट खटिएको टोलीले धुनषाको मिथिला नगरपालिका वडा नम्बर ९ बस्ने २८ वर्षीय श्याम बहादुर लोप्चनलाई पक्राउ गरेको हो ।

प्रहरीका अनुसार उनको साथबाट ३५ ग्राम खैरो हेरोइन बरामद भएको छ । उनलाई इलाका प्रहरी कार्यालय काकरभिट्टामा राखी थप अनुसन्धान गरिरहेको प्रहरीले जनाएको छ ।