रवि लामिछानेलाई थप १० दिन हिरासतमा राख्न अनुमति

काठमाडौँ, २० कार्तिक । राष्ट्रिय स्वतन्त्र पार्टी (रास्वपा)का सभापति रवि लामिछानेमाथि अनुसन्धान गर्न मंगलबार १० दिनको म्याद थपिएको छ । कास्की जिल्ला अदालतले म्याद थप गरेको हो ।

उक्त १० दिनमा तिहार बिदा समेत गणना गरिने छ । त्यसानुसार, लामिछाने अझै चार दिन हिरासतमा रहनेछन् ।

उनीविरुद्ध दोस्रोपटकको म्याद थप यही कात्तिक १४ गते सकिएको थियो । त्यसपछि पाँच दिन तिहारको बिदा थियो । तेस्रोपटकको म्याद थपमा तिहार बिदाको सोही पाँच दिन समेत गणना हुनेछ ।