एमालेले काठमाडौँमा जागरणसभा गर्ने

काठमाडौँ, २४ कार्तिक । नेकपा एमालेले काठमाडौँमा जागरण सभा गर्ने भएको छ ।

शनिवार बसेको एमाले सचिवालय बैठकले आउँदो मङ्सिर ७ गते काठमाडौँमा पार्टीको जागरण सभा गर्न लागेकोले सो कार्यक्रममा सहभागिता जुटाउन पार्टीका विभिन्न कमिटीलाई परिचालन गर्ने गरेको छ । 

काठमाडौँ, भक्तपुर र ललितपुर जिल्ला कमिटीको आयोजनामा काठमाडौँमा  गर्ने जागरण सभालाई सफल पार्न पार्टीका सबै जनवर्गीय सङ्गठनहरू, सम्पर्क कमिटीहरूलाई सहयोग गर्न आह्वान गर्ने निर्णय गरेको बैठकपछि उपमहासचिव प्रदीप ज्ञवालीले जानकारी दिएका छन् ।