८ जना जुवाडे पक्राउ

दार्चुला, २६ कार्तिक । जुवातास खेलिरहेको अवस्थामा दार्चुलामा ८ जना पक्राउ परेका छन् ।

जिल्ला प्रहरी कार्यालय दार्चुलाका अनुसार मालिकार्जुन गाउँपालिका-४ ऐरीछाना बस्ने किसन सिंह धामीको घरमा जुवातास खेलिरहेको अवस्थामा धामीसहित ८ जनालाई आइतबार दिउँसो पक्राउ गरेको हो । 

प्रहरीले उनीहरूलाई नगद २ लाख ३२ हजार ३ सय ७० रुपैयाँ र ३ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।