‘कार्साङ’को पोस्टर सार्वजनिक

काठमाडौँ, २७ कार्तिक । चलचित्र ‘कार्साङ’को पोस्टर निर्माणपक्षले आज सार्वजनिक गरेको छ । 

सार्वजनिक पोस्टरमा जितु नेपाल कालो टोपी, चेक सर्ट, ज्वारीकोट, कालो पाइन्टमा छन् । लेकमा लगाउने गमबुट लगाएका जितुले झोला घुँडामा अड्याएका छन् ।

हातमा बोकेको कचौरोमा छ्याङ रहेजस्तो अनुमान लगाउन सकिन्छ । उनको यो गेटअपले उनी कुनै लेकाली भूमिका स्थानीयजस्तो देखिन्छन् । 

पोस्टरमा ‘मकै त पिन्ने घट्टामा पिरती बस्यो ठट्टामा’ लेखिएको छ । त्यसैले उनी मकै पिस्न घट्टामा गएका हुन् कि भन्ने संकेत गरेको छ । पोस्टरको यो ‘स्टेटमेन्ट’ले उनी कसैको प्रेममा परेका हुन् कि भन्ने अनुमान लगाउन सकिन्छ । यम शेर्पाको डेव्यु लेखन तथा निर्देशनमा निर्माण भएको सिनेमा ‘कार्साङ’ पुस २६ गते पदर्शन हुँदै छ ।

शेर्पा समुदायको संस्कृतिमा आधारित भएर बनेको चलचित्रमा अभिनेता दयाहाङ राई, डेब्यु अभिनेत्री सिर्जना निङलेखु, जितु नेपाल, दीया मास्के, बुद्धि तामाङ, सृष्टि गौतम, डोमा ह्योल्मो, प्रेम लोप्चन, सुरवीर पण्डितलगायतको अभिनय छ ।