जीप दुर्घटना हुँदा ६ जनाको मृत्यु

काठमाडौँ, ३० कार्तिक । दार्चुलामा जीप दुर्घटना हुँदा ६ जनाको घटनास्थलमै मृत्यु भएको छ भने अन्य ६ जना घाइते भएका छन्  ।

जिल्ला प्रहरी कार्यलय दार्चुलाका अनुसार मालिकार्जुन जात्राबाट गोकुलेस्वरतर्फ गइरहेको म १ ज ३३८ नम्बरको जीप आज बिहान ४ बजे शैल्यशिखर नगरपालिका–५ मा पर्ने सिराडको खोलामा दुर्घटना भएको हो । 

दुर्घटनास्थलमा ६ जनाको मृत्यु भएको र अन्य ६ जना घाइते भएका छन्  । जात्रा हेरेर फर्किएकाहरु सवार दुर्घटनामा परेका हुन्  । 

घाइते सबैको अवस्था गम्भीर रहेको छ भने मृतकको सनाखत हुन बाँकी रहेको छ । घाइतेहरूलाई गोकुलेस्वर अस्पताल पठाइएको छ ।

दुर्घटनाको कारण र जीपमा कतिजना सवार थिए खुल्न सकेको छैन । घटनाबारे थप विवरण आउन बाँकी छ ।