करेन्ट लागेर एक युवकको मृत्यु

काठमाडौँ, ३ मंसिर । कालीकोटको शुभकालिका गाउँपालिका–४, रारागाउँमा आज बिहान करेन्ट लागेर एकजनाको मृत्यु भएको छ ।

जिल्ला प्रहरी कार्यालय कालीकोटका अनुसार बिहान ८ बजे पोल चढ्ने क्रममा करेन्ट लागेर २६ वर्षीय वीरेन्द्र चौलागाईंको मृत्यु भएको हो ।

चौलागाईंले विद्युत्सम्बन्धी सामान्य काम गर्दै आएका थिए । मुचुल्का तयार गरेर शव परीक्षणका निम्ति जिल्ला अस्पताल कालीकोटमा ल्याउन लागिएको र घटनाबारे थप अनुसन्धान भइरहेको प्रहरीले जनाएको छ ।