काठमाडौँ, १ पौष । फिल्म ‘फेरि रेशम फिलिली’को प्रदर्शन मिति तय भएको छ ।
निर्माताले आइतबार बेलुका पोस्टर सार्वजनिक गर्दै महाशिवरात्रीको अवसरमा फिल्म फागुन १४ गते रिलिज हुने घोषणा गरेका छन् ।
पोस्टरमा कलाकार विनय श्रेष्ठ र सुपुष्पा भट्टलाई उनीहरुको पात्र लुक्समा देख्न सकिन्छ । ९ वर्षअघिको हिट फिल्म ‘रेशम फिलिली’को यो दोस्रो श्रृंखला हो । दर्शकले श्रेष्ठलाई पहिलेकै भूमिकामा देख्न पाउनेछन् ।
सिनेमा आर्टको प्रस्तुति र भी मोसन पिक्चर्सको सहकार्यमा फिल्म बनेको हो । निरोज महर्जनको लेखन, निर्देशन रहेको फिल्मलाई रौनकविक्रम कँडेलले निर्माण गरेका हुन् ।
प्रतिक्रिया दिनुहोस्