सवारी दुर्घटना हुँदा एकको मृत्यु, ६ घाइते

काठमाडौँ, ४ पौष । कास्कीको अन्नपूर्ण गाउँपालिका–१० घान्द्रुकमा स्कारपियो दुर्घटना हुँदा एक जनाको निधन भएको छ भने ६ जना घाइते भएका छन् ।

घाइतेहरुलाई उपचारको लागि सिम्रिक एयरको हेलिकप्टरमार्फत पोखराको मणिपाल शिक्षण अस्पताल ल्याइएको छ । पोखराबाट घान्द्रुक जाँदै गरेको ग १ ज ६८२१ नम्बरको स्करपियो घान्द्रुकको बतासे डाँडामा आज दिउँसो दुर्घटनामा परेको थियो ।

घाइते मध्ये ४ जनाको सिम्रिक एयरमार्फत उद्धार गरेर उपचारका लागि मणिपाल शिक्षण अस्पताल ल्याइसकेको छ ।