छोराको कुटपिटबाट बुवाको मृत्यु

काठमाडौँ, ८ पौष । सिन्धुपाल्चोकमा आफ्नै बुवाको हत्या गरेको आरोपमा प्रहरीले एकजनालाई पक्राउ गरेको छ ।

प्रहरीका अनुसार मेलम्ची नगरपालिका–१०, शिखरपुरका ५० वर्षीय यदुबहादुर बस्नेतको हत्या आरोपमा उनका छोरा ३४ वर्षीय राजारामलाई पक्राउ गरिएको छ ।

गएको शनिबार राति राजारामले कुटपिट गर्दा यदु गम्भीर घाइते भएका थिए । उक्त सूचनापछि इलाका प्रहरी कार्यालय मेलम्चीबाट खटिएको टोलीले उनलाई पक्राउ गरेको हो ।

यदुको उपचारका क्रममा हिजो दिउँसो काठमाडौँको अत्तरखेलस्थित मेडिकल कलेजमा मृत्यु भएको प्रहरीले जनाएको छ ।