जिप दुर्घटना हुँदा एक जनाको मृत्यु, ९ घाइते

काठमाडौँ, ११ पौष । भोजपुरमा जिप दुर्घटना हुँदा एक जनाको मृत्यु भएको छ भने अन्य ९ जना घाइते भएका छन् ।

भोजपुर प्रहरीका अनुसार भोजपुर नगरपालिका–५ डाँडाटोलमा प्रदेश १–०२–००२ च ६९२३ नम्बरको जिप आज बिहान दुर्घटनामा परी एक जनाको मृत्यु भएको हो ।

घाइतेमध्ये ३ जनाको अवस्था गम्भीर रहेकोले हेलिकप्टर मार्फत काठमाडौँ पठाइएको छ भने बाँकीको भोजपुर अस्पताल र विराटनगरको नोबेल अस्पतालमा उपचार भइरहेको प्रहरीले जनाएको छ ।