रास्वपा खोटाङको अध्यक्षमा थापा निर्वाचित

खोटाङ, १४ पौष । राष्ट्रिय स्वतन्त्र पार्टी खोटाङको अध्यक्षमा मुकुन्दकृष्ण थापा निर्वाचित भएका छन् ।

शनिबार सम्पन्न पहिलो जिल्ला भेलाले थापाको अध्यक्षतामा १० सदस्यीय जिल्ला समिति गठन गरिएको हो । समितिको सचिवमा सुमन खत्री, सह–सचिवमा राजन अधिकारी र सदस्यहरूमा टंक मगर, प्रकाश अधिकारी र तारा दाहाल छन् । एक उपसभापति र तीन सदस्य पछि समावेशी र भूगोलका आधारमा मनोनयन गरिने रास्वपा खोटाङका नेता आशिष थापाले बताए ।