पाँच एसएसपीको सरुवा

काठमाडौँ, १७ पौष । नेपाल प्रहरीका पाँच जना प्रहरी वरिष्ठ उपरीक्षक (एसएसपी) हरुको सरुवा भएको छ ।

गृहमन्त्री रमेश लेखकले एसएसपीहरूको सरुवाको निर्णय गरेका हुन् । त्रिभुवन विमानस्थल सुरक्षा कार्यालयमा सोमेन्द्रसिंह राठौरलाई पठाइएको छ । उपत्यका ट्राफिक प्रहरी कार्यालयमा विनोद घिमिरे, नेपाल प्रहरी शिक्षालय भरतपुरमा भूपेन्द्र खत्री र जिल्ला प्रहरी परिसर ललितपुरमा श्यामकृष्ण अधिकारीलाई सरुवा गरिएको छ । ललितपुरमा कार्यरत शेखर खनाललाई उपत्यका प्रहरी कार्यालयमा सरुवा गरिएको गृह मन्त्रालयका एक जना उच्च अधिकृतले बताए ।