बलात्कारको आरोपमा एकजना पक्राउ

काठमाडौँ, १९ पौष । रुकुम पूर्वमा बलात्कारको आरोपमा एकजना पक्राउ परेका छन् ।

प्रहरीका अनुसार आज बिहान भुमे गाउँपालिका–७ स्थित लाभाङका २९ वर्षीय सुर्जे रोका मगरलाई पक्राउ गरेको हो  ।मगरमाथि ३२ वर्षीया एक महिलालाई बलात्कार गरेको आरोप लागेको छ ।

ती महिलालाई आइतबार बिहान बलात्कार गरेको उजुरीको आधारमा जिल्ला प्रहरी कार्यालय रुकुम पूर्वबाट खटिएको टोलीले पक्राउ गरेको हो । घटनाबारे थप अनुसन्धान भइरहेको प्रहरीले जनाएको छ ।