लस एन्जेलसमा भीषण आगलागीमा दुईको मृत्यु, कयौँ घाइते

काठमाडौँ, २५ पौष । अमेरिकाको लस एन्जेलसमा जंगलमा लागेको डढेलो शहर पस्न नदिने प्रयासका दौरान दुई जनाको मृत्यु भएको छ भने कयौँ व्यक्ति घाइते भएका छन् । 

एलए फायर चिफ क्रिष्टिन क्रोलीका अनुसार चारैतर्फ लागेको आगोमध्य पालिसेड्स, ईटन, हस्र्ट र वुडलीमा नियन्त्रण गर्न सकिएको छ भने आपतकालीन सेवालाई पूर्ण क्षमताका साथ अघि बढाइएको छ । 

अधिकारीहरु भन्छन्, ‘यालिसेड्समा मंगलबारबाट लागेको आगोले एक हजार बढी संरचनाहरु ध्वस्त भएका छन् । र, २७ हजार मानिसलाई अन्यत्र सारिएको छ ।’ ईटनमा समेत साढे ३२ हजार मानिसलाई घर छोड्न भनिएको छ भने कयौँले अहिलेसम्म नदेखिएको डढेलोका रुपमा चित्रित गरेका छन् । ह्वाइटहाउसले आपतकालीन अवस्थाको आँकलन गरेर शीघ्र कारबाहीका लागि निर्देशन दिइसकेको छ ।