काठमाडौँ, २५ पौष । कैलालीबाट अवैध खैरो हेरोइनसहित ५ जनालाई प्रहरीले पक्राउ गरेको छ ।
जिल्ला प्रहरी कार्यालय कैलालीको अपराध अनुसन्धान शाखाले धनगढी उपमहानगरपालिका–०९ को वडा कार्यालय नजिकबाट १ ग्राम ९१० मिलिग्राम खैरो हिरोइन, बङ्ग्राकटानबाट १३० मिलिग्राम र धनगढी उपमहानगरपालिका–१ शिवनगरबाट ५० मिलिग्राम गरी जम्मा २ ग्राम ९० मिलिग्राम खैरो हेरोइनसहित पाँच जनालाई पक्राउ गरेको हो ।
पक्राउ पर्नेहरूमा कञ्चनपुरको भीमदत्त नगरपालिका–१० बस्ने वर्ष २६ का तपेन्द्र पाली, सोही नगरपालिका –९ बस्ने वर्ष २५ का महेश ओड, वर्ष २७ का नवल बोहरा, धनगढी उपमहानगरपालिका–९ बङराकटान बस्ने वर्ष २६ का डम्बर ठगुन्ना र धनगढी उपमहानगरपालिका–१ शिवनगर बस्ने वर्ष १९ का सुरज थापा रहेका छन् ।
पक्राउ परेका उनीहरुमाथि थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्