‘महाराजधिराज’को फर्स्टलुक सार्वजनिक

काठमाडौँ, १ माघ । चलचित्र ‘महाराजधिराज’को फर्स्टलुक पोस्टर सार्वजनिक गरिएको छ । 

पोस्टरमा दुई कलाकार छन् । एकजना राजर्षि पहिरनमा छन् भने अर्को व्यक्ति नग्न अवस्थामा छन् । राजर्षि पहिरनमा रहेका व्यक्तिले शीरमा श्रीपेच र हातमा राजदण्ड बोकेर उभिएका छन्, जसले उनी राजा भएको संकेत गर्दछ । 

‘महाराजधिराज’का प्रस्तुतकर्ता विराज विष्ट हुन् । बिराजले यसअघि चलचित्र ‘बुलाकी’ निर्माण गरेका थिए । निर्देशक सेनले ‘प्रेमगञ्ज’ निर्देशन गरेका थिए ।

चलचित्रको निर्मातामा टोपेन्द्र विष्ट, चक्रबहादुर केसी र रवी खड्का रहेका छन् । यो चलचित्र दसैँको फूलपातीमा आउने निर्माण टिमले बताएको छ ।