बलात्कारको आरोपमा युवक पक्राउ

हेटौंडा, १ माघ । सुस्त मनस्थितिकी किशोरीलाई बलात्कार गरेको आरोपमा हेटौंडामा एक युवकलाई पक्राउ गरेको छ । 

जिल्ला प्रहरी कार्यालय हेटौंडाले हेटौंडा उपमहानगरपालिका—१४ की १८ वर्षीया किशोरीलाई जबर्जस्ती करणी गरेको आरोपमा स्थानीय आशिष मगरलाई सोमबार पक्राउ गरेको हो । घरमै बसिरहेकी किशोरीलाई बलात्कार गरेर मगर फरार भएका थिए । आरोपीलाई प्रहरीले अदालतबाट ७ दिनको म्याद थप गरेर थप अनुसन्धान गरिरहेको जनाएको छ ।