ट्रम्पद्वारा आयात हुने कार तथा पाटपूर्जामा २५ प्रतिशत कर घोषणा

एजेन्सी, १४ चैत । अमेरिकी राष्ट्रपति डोनाल्ड ट्रम्पले अमेरिकामा आयात हुने कार तथा पाटपूर्जामा २५ प्रतिशत भन्सार शुल्क घोषणा गरेका छन् । यो आयातकर घोषणाले विश्वैक व्यापार युद्ध बढ्ने खतरा बढेको बताइँदै छ । 

ट्रम्पले घोषणा गरेको नयाँ ट्यारिफ २ अप्रिलबाट लागू हुने अधिकारीहरुले जनाएका छन् । जसको अघिल्लो दिन सवारी आयात गर्ने व्यवसायीले चर्को आयातकरको सामना गर्नु पर्ने छ । 

पूर्जामा भने मे अथवा त्यसपछि मात्रै शुरु हुने बताइएको छ । राष्ट्रपति ट्रम्पले यस उपायबाट कार उद्योगका लागि उल्लेख्य वृद्धि हुने जिकिर गरेका छन् । त्यतिमात्र नभई यसले अमेरिकामा रोजगारी सिर्जनामा योगदान दिने समेत ट्रम्पले बताएका छन् । 

यद्यपि, विश्लेषकहरुले यो कदमका कारण अमेरिकामा महत्वपूर्ण कार उत्पादन अस्थायी रुपले बन्द हुने र खरिददर महँगीने बताएका छन् । त्यस आपसी सम्बन्धहरुमा समेत दरारा आउने विश्लेषण भइरहेको छ । 
अमेरिकाले अघिल्लो वर्ष लगभग आठ मिलियन कार आयात गरेको थियो । जसको व्यापार लगभग २४० बिलियन डलर अर्थात् कुल व्यापारको लगभग आधा हिस्सा थियो ।