माधव नेपाल र वामदेव गौतमबीच पार्टी एकता गर्ने सहमति

काठमाडौँ, २७ असार । नेकपा (एकीकृत समाजवादी) र नेकपा एकता राष्ट्रिय अभियानबीच एकता हुने भएको छ ।

वामदेव गौतम अध्यक्ष रहेको नेकपा एकता राष्ट्रिय अभियान र माधवकुमार नेपाल अध्यक्ष रहेको नेकपा (एकीकृत समाजवादी) पार्टीबीच एकीकरण गर्ने सहमति भएको हो ।

नेपाल र वामदेव गौतमसहितका नेताहरूबीच छलफल हुदाँ राजनीतिक दर्शन, सिद्धान्त, कार्यक्रम, रणनीती र कार्यदिशामा एकरुपता रहेकाले पार्टी एकताको सहमति भएको बताइएको छ । 

“नेपालको कम्युनिष्ट आन्दोलनलाई एकतावद्ध गर्नुपर्ने आजको ऐतिहासिक आवश्यकतालाई ध्यानमा राख्दै नेकपा एकता राष्ट्रिय अभियान र नेकपा (एकीकृत समाजवादी)मा एकतावद्ध हुने सहमति गरियो,” विज्ञप्ति जारी गर्दै नेपाल र गौतमले भनेका छन्, “२०८२ साउन २ गते राष्ट्रियसभा गृहमा एकताको घोषणा गर्ने सहमति भयो ।”