एमाले केन्द्रीय कमिटी बैठक आज पनि बस्दै: नेताहरूले अध्यक्षको प्रतिवेदनमाथि धारणा राख्ने

काठमाडौँ, ३० असोज । नेपाल कम्युनिस्ट पार्टी (एमाले)को १०औँ केन्द्रीय कमिटी बैठक आज पनि जारी रहने भएको छ ।

ललितपुरको भनिमण्डलस्थित रामबाघ महलमा जारी बैठक आज बिहान  ८ बजेदेखि पुनः सुरु हुनेछ । बुधबारदेखि सुरु केन्द्रीय कमिटी बैठकमा पहिलो दिन ५० जना केन्द्रीय सदस्यले धारणा राखेको एमाले प्रचार तथा प्रकाशन विभागका प्रमुख राजेन्द्र गौतमले जानकारी दिए । अरुले आज धारणा राख्ने छन । 

उनले पार्टीका अध्यक्ष केपी शर्मा ओलीले बैठकमा प्रस्तुत गरेको राजनीतिक परिस्थिति र हाम्रो नीतिसम्बन्धी प्रतिवेदनमाथि केन्द्रीय सदस्यले सुझाव राखिरहेको बताए । केन्द्रीय सदस्यहरूले अन्तरिम सरकार, प्रतिनिधिसभा विघटनका सम्बन्धमा महत्त्वपूर्ण सुझाव दिइरहेको गौतमले बताए ।