काठमाडौँ, २८ मंसिर । तनहुँमा बस र स्कुटर एकआपसमा ठोक्किँदा एकजनाको मृत्यु भएको छ ।
प्रहरीका अनुसार म्याग्दे गाउँपालिका–६, मौरीभीरस्थित सडकमा ग.१ ख ९४०६ नम्बरको बस र गण्डकी एएबी ०१८६ नम्बरको स्कुटर आज दिउँसो एकआपसमा ठोक्किएको हो ।
मृत्यु हुनेमा स्कुटर चालक स्याङ्जाको पुतलीबजार नगरपालिका–७, भारकोट बस्ने ५१ वर्षीय लेशबहादुर थापा छन् ।
दुर्घटनामा गम्भीर घाइते भएका उनको जीपी कोइराला राष्ट्रिय श्वासप्रश्वासमा उपचारको क्रममा मृत्यु भएको हो ।
बस चालकलाई प्रहरीले नियन्त्रणमा लिएको जनाइएको छ ।
प्रतिक्रिया दिनुहोस्