टाटा सुमो दुर्घटनामा मृत्यु हुने ६ जनाको सनाखत (नामसहित)

काठमाडौँ, २१ पौष । आइतबार मकवानपुरको भीमफेदीमा भएको टाटा सुमो दुर्घटनामा ज्यान गुमाउने ६ जनाको सनाखत भएको छ ।

आइतबार साँझ १७ः२० बजेको समयमा भीमफेदी–६ जुरीखेतस्थित भीमफेदी कुलेखानी काठमाडौँ सडक खण्डमा ना१ज १७७८ नम्बरको सुमो दुर्घटना भएर एक सय मिटर तल खस्दा ९ जना घाइते भएका थिए ।

घाइतेमध्ये ६ जनाको उपचारका क्रममा हेटौँडा अस्पतालमा मृत्यु भएको हो । उनीहरुमध्ये दुई जना भारतीय छन् भने दुई जनाको परिचय खुल्न बाँकी छ ।

हेटौँडा अस्पतालमा मृत्यु भएकाहरुः
१. भारत, बिहार राज्य, पटना बस्ने ४२ वर्षीय रजनिश कुमार
२. मकवानपुर, हेटौँडा–४ कमलडाँडाकी ४० वर्षीया सबिता लम्साल ।
३. हेटौडा–२, कान्तिराजपथ बस्ने २९ वर्षीय निखिल अग्रवाल ।
४. भारत, बिहार राज्य बेगुसराईका ५० वर्षीय अरबिन्द कुमार ।
५. नाम थर वतन नखुलेको ३६ वर्षीय पुरुष ।
६. नाम थर वतन नखुलेको, ४० वर्षीय पुरुष ।

हेटौँडाबाट चितवन पठाइएकाहरु
सुमो चालक, मकवानपुर, हेटौँडा–४ कर्रा चोक बस्ने ४५ वर्षका गणेश थापा, शरीरको बिभिन्न भागमा चोट, अवस्था गम्भीर भएपछि आइतबार राति नै पुरानो मेडिकल कलेज भरतपुर चितवनमा रिफर गरिएको छ ।

हेटौँडा–४ कमलडाँडा बस्ने सबिता लम्सालकी १२ वर्षीया छोरा अभ्यास लम्सालको अवस्था गम्भीर ।भएपछि पुरानो मेडिकल कलेज भरतपुर चितवनमा रिफर गरिएको छ ।

रौतहट, चन्द्रपुर–२ की २१ वर्षीया रिचा चौधरी टाउको शरीरको बिभिन्न भागमा चोट अवस्था मध्यम रहेको प्रहरीले जनाएको छ ।