काठमाडौँ, ५ माघ । पूर्वप्रधानमन्त्री डा. बाबुराम भट्टराईले आफुले गोरखा क्षेत्र नं. २ मा उम्मेद्वार दिनको पाँच आधारहरु प्रस्तुत गर्नुभएको छ ।
आगामी फागुन २१ गते हुने प्रतिनिधिसभाको निर्वाचनको लागि डा. भट्टराईले गोरखा क्षेत्र नं. २ बाट उम्मेद्वारी दिने तयारी गर्नुभएको छ । जसमा उहाँले उक्त क्षेत्रका जनताको लागि र आवश्यकताको लागि पाँच आधारहरु प्रस्तुत गर्नुभयो ।
उहाँका पाँच आधार वा लक्ष्यहरु
आसन्न प्रतिनिधिसभा निर्वाचनमा गोरखा-२ बाट मैले उम्मेदवारी दिनुका प्रमुख ५ लक्ष्य/आधार :
१. बद्लिदो भू-राजनीतिक परिस्थिति र अन्तर्राष्ट्रिय सामरिक टक्करबाट जोगाएर राष्ट्रिय स्वाधीनता,सार्वभौमिकता र भौगोलिक अखण्डताको रक्षा गर्ने कार्यमा योगदान गर्न।
२. देशमा नयाँ र पुराना राजनीतिक दलहरूवीच र दलहरूभित्रको बढ्दो द्वन्द,असमझदारीले संघीय लोकतान्त्रिक गणतन्त्र नै संकटमा पर्नसक्ने स्थितिमा समन्वयकारी र अभिभावकीय भूमिका सहित लोकतन्त्रको रक्षामा योगदान गर्न।
३.जेन-जी विद्रोहको पृष्ठमूमि र संविधानसभाबाट संविधान निर्माणको दश बर्ष पूरा भएको अवस्थामा संविधानमा आवश्यक संशोधन र सुधारकोनिम्ति संविधानको एक प्रमुख निर्माणकर्ताको हैसियतले प्रतिनिधिसभाबाट आवश्यक भूमिका निर्वाह गर्न।
४.देशमा सुशासन र आर्थिक समृद्धि प्रमुख एजेण्डा बनेको वर्तमान अवस्थामा अर्थ-राजनीतिको ज्ञान र अनुभवको आधारमा देशको तीब्र आर्थिक-सामाजिक रूपान्तरणको मार्गचित्र तथा कार्ययोजना निर्माण र कार्यान्वयनमा नेतृत्वदायी भूमिका निर्वाह गर्न।
५. गोरखाको विकास-निर्माणमा विगतमा गरेका रूपान्तरणकारी कार्यको जगमा टेकेर भविष्यमा गोरखालाई देशको आधुनिक र समतामूलक आर्थिक विकासको मोडेल बनाउन।
प्रतिक्रिया दिनुहोस्