काठमाडौँ, १३ माघ । प्रधानमन्त्री सुशीला कार्कीले निर्माणाधीन काठमाडौँ–तराई द्रुतमार्ग निरीक्षण गरेकी छन् ।
उनले आज बिहान नेपाली सेनाका अधिकारी र उच्चपदस्थ कर्मचारीहरुको टोलीसहित द्रुतमार्ग निरीक्षण गरेकी हुन् ।
सो क्रममा उनले कामको प्रगतिबारे जानकारी लिँदै छिटो काम सम्पन्न गर्न निर्देशन दिएकी थिइन् । त्यसका लागि आवश्यक सहयोग सरकारले गर्ने उनको भनाइ थियो ।
काठमाडौँ–तराई द्रुतमार्ग राष्ट्रिय गौरवको आयोजना हो । काठमाडौँ उपत्यकालाई बाराको निजगढसँग जोड्ने छोटो दुरीको यो मार्गलाई रणनीतिक दृष्टिकोणले निकै महत्त्वपूर्ण मानिन्छ ।
करिब ७१ किलोमिटर लामो यो द्रुतमार्गको निर्माण नेपाली सेनाको व्यवस्थापन र निगरानीमा भइरहेको छ ।
प्रतिक्रिया दिनुहोस्