काठमाडौँ, १३ माघ । नेपाली कम्युनिस्ट पार्टीका संयोजक पुष्पकमल दाहाल प्रचण्डले आफ्ना पुराना सहकर्मीहरुलाई एकतामा आउन आह्वान गरेका छन् ।
क्रान्तिकारी कम्युनिस्ट पार्टीसँग एकता घोषणा कार्यक्रमलाई सम्बोधन गर्दै उनले भने, ‘राष्ट्रलाई माया गर्ने, कम्युनिस्ट आन्दोलनलाई बलियो बनाउन, जनताको विकास र समृद्धिको आकाङ्क्षालाई सम्बोधन गर्न एकताबद्ध हुनुको विकल्प छैन।’
उनले मोहन वैद्य किरणलाई पनि नेकपामै सामेल हुन आग्रह गरे । उनले राजनीतिमा सिद्धान्त र विचारको खडेरी परेको बताए । उनले भने, ‘सोसल मिडियामा स्टन्टबाज गरेको भरमा नै जनताको दिमाग चाट्ने काम भइरहेको छ । यसलाई हामी सबै एकताबद्ध भएर मात्रै रोक्न सकिन्छ ।’
प्रतिक्रिया दिनुहोस्