प्रचण्ड र युरोपेली युनियनका राजदूतहरूबीच भेटवार्ता

काठमाडौँ, ४ भदौ । नेकपा माओवादी केन्द्रका अध्यक्ष पुष्पकमल दाहाल र युरोपेली युनियनका राजदूतहरूको प्रतिनिधिमण्डलबीच भेटवार्ता भएको छ ।

आज बिहान खुमलटारमा अध्यक्ष दाहाल र संयुक्त राष्ट्रसंघ, अमेरिका, बेलायत, अस्ट्रेलिया, जर्मनी, स्विजरल्यान्ड युरोपेली युनियनका राजदूतहरूको प्रतिनिधिमण्डलबीच भेटवार्ता भएको हो ।

दाहालका स्वकीय सचिव रमेश मल्लका अनुसार भेटमा राजदूतहरूले नेपालको शान्ति प्रक्रिया टुंगोमा पुग्दै गरेकोमा खुसी व्यक्त गरेका थिए । त्यस्तै भेटमा उनीहरूले गम्भीर मानव अधिकार उल्लङ्घनका घटना र पीडितहरूको पुनरावेदनको अधिकारबारे पनि चासो व्यक्त गरेका थिए ।