अर्थतन्त्र सुधारको बाटोमा छ : गर्भनर अधिकारी

काठमाडौँ, १८ भदौ । नेपाल राष्ट्र बैंकका गर्भनर महाप्रसाद अधिकारीले अर्थतन्त्र सुधारको बाटोमा रहेको बताएका छन ।

आज नेपाल आर्थिक पत्रकार समाज (सेजन) को २४ औँ वार्षिक साधारण सभामा बोल्दै गर्भनर अधिकारीले अहिले बाह्य श्रम बजार खुल्दै गएको, रेमिट्यान्स केही बढेको, पर्यटन क्षेत्रमा सुधार तथा पर्यटक बढेको, निर्यातमा केही वस्तु बढेको र विद्युतको पनि निर्यात भैरहेको अवस्थामा अर्थतन्त्र सुधारिन थालेको बताए ।

गर्भनर अधिकारीले गएको बैशाखदेखि नै केही वस्तुको आयातमा रोक लगाएको भन्दै अवस्था हेरेर आयात खोल्ने तयारी रहेको पनि जानकारी दिए ।