राजनीति

सधैँ जित हुँदैन, हामीले हार्न पनि सिक्नुपर्छ : मेयर शाह



काठमाडौँ, २ असोज । काठमाडौँ महानगरपालिकाका मेयर बालेन्द्र शाह (बालेन)ले जित मात्रै नभएर हार्न पनि सक्नुपर्ने बताएका छन् ।

आज काठमाडौँमा आयोजित आत्महत्या रोकथाम तथा न्यूनीकरणसम्बन्धी सचेतना कार्यक्रममा सम्बोधन गर्दै बालेनले हरेक हारबाट धेरै अनुभव लिन सकिने भन्दै हारलाई पनि आत्मसाथ गर्दै अघि बढ्नुपर्ने बताएका हुन् ।

उनले भने, “हामीले जिन्दगीमा हार्न सिकेका हुँदैनौँ । हामी सोसल मिडियामा व्यस्त हुन्छौँ । हामी हार्न निकै डराउँछौँ, “हामी आफूलाई कमजोर भन्ठान्छौँ । त्यस्तो सोच्नु हुँदैन । कुनै पनि कुरा हार्न सिक्नुपर्छ । सबै ठाउँमा सफल भइन्छ भन्ने हुँदैन ।”

उनले हारलाई आत्मासाथ गरे धेरै पाठ सिकेर अगाडि बढ्न सकिने बताए ।