गंगा सत्गौवा थारूले गरिन् स्वतन्त्र उम्मेदवारीको घोषणा

काठमाडौँ, २१ असोज । गंगा सत्गौवा थारूले दाङ क्षेत्र नं १ बाट स्वतन्त्र चुनाव लड्ने घोषणा गरेकी छन् ।

उनले सामाजिक संजाल फेसबुकमा स्टेटस लेख्दै आफु स्वतन्त्र चुनाव लड्ने घोषणा गरेकी हुन् । उनले लेखेकी छिन्, ‘आज मैले ठीक निर्णय गरे या बेठीक, मलाई थाहा छैन । राष्ट्र र राष्ट्रियताको लागि म सधैं लागि रहनेछु । जनता भगवान हुन् जनता नै सर्वोपरि हुन् । देशलाई शिरमाथि राखेर आज स्वतन्त्र उमेदवार भएर जनताको बिचमा आउँदैछु । हजुरहरुको साथ चाहिएको छ ।’

यसअघि थरूहट तराई पार्टी नेपाल तथा एमालेबाट गरी गंगा सत्गौवा दुइ पटक समानुपातिक सांसद भएकी थिइन् ।