३ सय ७६ जनाको उम्मेदवारी फिर्ता

काठमाडौँ, २७ असोज । ४ मंसिरमा हुने प्रतिनिधिसभा तथा प्रदेशसभा निर्वाचनका लागि उम्मेदवारी दिएकामध्ये ३ सय ७६ जनाले उम्मेदवारी फिर्ता लिएका छन् ।

आयोग प्रवक्ता शालिग्राम शर्मा पौडेलका अनुसार प्रत्यक्षतर्फ १ सय ६५ क्षेत्रमा २ हजार ५ सय ३१ जनाको उम्मेदवारी परेकोमा १ सय १९ जनाको उम्मेदवारी फिर्ता भएको प्रारम्भिक विवरण बुधबार रातिसम्म प्राप्त भएको हो ।

प्रतिनिधिसभातर्फ अब २ हजार १ सय ८७ पुरुष तथा २ सय २५ महिला उम्मेदवार गरी २ हजार ४ सय १२ उम्मेदवार कायम भएको छ । यसैगरी, प्रदेशसभातर्फ प्रत्यक्षतर्फको ३ सय ३० सिटका लागि ३ हजार ४ सय ८१ जनाको उम्मेदवारी परेकोमा २ सय ५७ जनाले फिर्ता गरेको आयोगले जनाएको छ । यो समाचार आजको राजधानी दैनिकमा छ ।