चोरीको मोटरसाइकलसहित चार पक्राउ

काठमाडौँ, १२ पौष । पर्सा प्रहरीले ८ वटा चोरीको मोटरसाइकल सहित ४ जना चोरलाई पक्राउ गरेको छ ।

जिल्ला प्रहरी कार्यालय पर्साका अनुसार वीरगञ्ज महानगरपालिका–२६ का २० वर्षीय राम प्रबेश पटेल, २६ वर्षीय अशोक पटेल, १९ वर्षीय शिबम पाण्डे र २० वर्षीय आकाश तिवारीलाई पक्राउ गरेको हो ।

चोरी गर्ने समूहले मुख्य साँचो (मास्टर की) प्रयोग गरेर र मोटरसाइकलको ह्याण्डल लक तोडेर चोरी गर्ने गरेको प्रहरीको प्रारम्भिक अनुसन्धानले देखाएको छ । पक्राउ पर्नेहरुमाथि थप अनुसन्धान गरीरहेको प्रहरीले जनाएको छ ।