रोकिराखेको ट्रकमा मोटरसाइकल ठोक्किँदा एकजनाको मृत्यु

सर्लाही, ३० पौष । सर्लाहीको वाग्मती नगरपालिका–२ स्थित सडकमा बिग्रिएर रोकिराखेको ट्रकमा मोटरसाइकल ठोक्किँदा एकजनाको घटनास्थलमै मृत्यु भएको छ ।

इलाका प्रहरी कार्यालय हरिवनका अनुसार मोटरसाइकल चालक सर्लाहीकै गोडैता नगरपालिका–४ का अन्दाजी ३२ वर्षीय विश्वजित हजारीको मृत्यु भएको हो ।

ना५ख ७५६४ नम्बरको उखु लोड गरिएको उक्त ट्रकमा गएराति करिब पौने १ बजे वाग्मती प्रदेश ०३–००४ प १५९३ नम्बरको मोटरसाइकल ठोक्किएको थियो । ट्रक चालक फरार रहेकाले खोजी भइरहेको प्रहरीले जनाएको छ ।