राष्ट्रपतिलाई कार्यकारीजस्तो बनाएर बहस गरिनु दु:खद् : सांसद शर्मा

काठमाडौँ, १२ फागुन । नेकपा (माओवादी केन्द्र)का सांसद जनार्दन शर्माले राष्ट्रपति पदलाई कार्यकारी जसरी बहस गरिनु दुःखद् भएको बताएका छन् ।

आजको प्रतिनिधिसभाको बैठकमा बोल्दै उनले राष्ट्रपतिमा राष्ट्रिय सहमति खोज्नुपर्ने बताए । उनले भने. “सेरोमोनियल राष्ट्रपतिलाई कार्यकारी राष्ट्रपति जस्तो बनाएर बहस भइरहेको छ । यो दु:खद् कुरा हो । पहिलो एजेण्डामा सहमति गरौँ । एजेण्डाका आधारमा हामीले पात्र, संरचना र पदहरुको बाँडफाँड गर्नुपर्छ,” “राष्ट्रिय सहमतिमा यस्ता कुराहरु टुंग्याउनुपर्छ । राष्ट्रिय सहमतिका आधारमा अघि जाने बाटो खोजौं ।”