तालमा डुबेर एक जनाको मृत्यु

बुटवल, १ बैशाख । रुपन्देहीका एक पुरुषको पाल्पामा मृत्यु भएको छ । नयाँ वर्षका अवसरमा पाल्पाको तिनाउ गाउँपालिका ३ स्थित भुतखोला गएका रुपन्देहीको सिद्धार्थनगर–१२ का ३० वर्षीय शिवम जैशवालको मृत्यु भएको हो ।

प्रहरीका अनुसार भुतखोलाको तालमा डुबेर घाइते भएका उनलाई लुम्बिनी प्रादेशिक अस्पताल बुटवाल लैजाँदै गर्दा बाटोमै मृत्यु भएको थियो । घटनाबारे थप अनुसन्धान भइरहेको प्रहरीले जनाएको छ ।