अपहरण गरेर कुटपिट गरेको आरोपमा दुईजना पक्राउ

काठमाडौँ, १२ बैशाख । अपहरण गरेर कुटपिट गरेको आरोपमा प्रहरीले रौतहटबाट दुई जनालाई पक्राउ गरेको छ ।

पक्राउ पर्नेमा राजदेवी नगरपालिका–६ स्थित मोहनपुर बस्ने २१ वर्षीय राजबावु पटेल उर्फ राजा र माधवनारायण नगरपालिका–६ घर भएका मन्त्रीबावु राय उर्फ दिपेश छन् ।

वैशाख ९ मा आरोपीहरुले परोहा नगरपालिका–३ तेजापाकड बस्ने ३० वर्षीय राजकुमार महतो भन्ने हिरामान महतोलाई अपहरण गरेर कुटपिट गरेको आरोप छ । ‘बलरामा घर बनाउनु छ’ भनेर मन्त्रीबावुले बलारका भट्टीमा लगेर सात–आठ जना मिलेर कुटेको प्रहरीको अनुसन्धानबाट थाहा भएको छ ।