काठमाडौँ, २१ वैशाख । बेलायतका राजाको राज्याभिषेक समारोहमा सहभागी हुन परराष्ट्रमन्त्री नारायणप्रकाश साउद (एनपी) बेलायत प्रस्थान गरेका छन् ।
उनी आज बिहान ११ बजे त्रिभुवन अन्तर्राष्ट्रिय विमानस्थलबाट बेलायततर्फ प्रस्थान गरेका हुन् । साउदसँगै उनकी पत्नी ज्योत्सना र स्वकीय सचिव दीपक जोशी पनि बेलायत प्रस्थान गरेका छन् ।
राजा चार्ल्स तृतीय र रानी केमिलाको राज्याभिषेकको आउँदो शनिबार हुँदै छ । परराष्ट्रमन्त्री साउद बेलायत जाने कार्यक्रम बुधबारको मन्त्रिपरिषद् बैठकले स्वीकृत गरेको थियो । साउदको साताव्यापी भ्रमण हुने बताइएको छ । उनी यही वैशाख २६ गते स्वदेश फर्कने कार्यक्रम छ ।
प्रतिक्रिया दिनुहोस्