मुसा निकालेपछि बुद्धको जहाज काठमाडौँ ल्याइयो

काठमाडौँ, ७ जेठ । बुद्ध एअरले जहाजमा रहेको मुसा बाहिर निकालेर जहाज काठमाडौँ ल्याएको छ ।

शनिवार जनकपुरमा रोकिएको जहाजको ट्र्यापमा आज आइतवार बिहान भेटिएको मुसालाई बाहिर निकालिएको बुद्ध एअरले जनाएको छ । मुसा निकालेपछि जहाजलाई सम्पूर्ण जाँच गरी दुई/तीन घण्टासम्म रनअप लिई थप सजगता अपनाइएको कम्पनीले जनाएको छ ।

आज दिउँसो प्रशिक्षक, चालक र प्राविधिक टाेलीले जहाजलाई काठमाडौँ ल्याएको छ । जहाजलाई थप निरीक्षण गरी पुनः व्यावसायिक उडान थालिने बुद्ध एअरले जनाएको छ ।