समाचार

पौडी खेल्ने क्रममा डुबेर दुई बालकको मृत्यु



जाजरकोट, २७ जेठ । पौडी खेल्ने क्रममा डुबेर जाजरकोटमा दुई जना बालकको मृत्यु भएको छ।

प्रहरीका अनुसार भेरी नगरपालिका- १३ का नरबहादुर बस्नेतका ८ वर्षीय छोरा पाण्डप बस्नेत र टीकाराम बस्नेतका ९ वर्षीय छोरा प्रमोद बस्नेतको डुबेर मृत्यु‌ भएको छ ।

उनीहरूको खानेपानी तथा सिँचाइका लागि बनाइएको पोखरीमा पौडी खेल्ने क्रममा शुक्रबार डुबेर मृत्यु भएको हो । प्रहरीका अनुसार दुवै बालक विद्यालयमा पढेर घर आई खाजा खाएर पौडी खेल्न गएका थिए ।‌

सोही क्रममा डुबेर‌ उनीहरूको मृत्यु भएको हो ।