डेंगु संक्रमित साढे २२ हजार नाघ्यो  

काठमाडौँ, १८ भदौ । नेपालमा डेंगु संक्रमितको सङ्ख्या दिनप्रतिदिन बढ्दै गइरहेको छ ।

हाल डेंगु संक्रमितको सङ्ख्या साढे २२ हजार नाघेको ईपीडीमीयोलोजी तथा रोग नियन्त्रण महाशाखाका (ईडीसीडी) ले जनाएको छ । तथ्याङ्क अनुसार गएको साढे सात महिनाको अवधिमा संक्रमितको कुल सङ्ख्या २२ हजार ६२७  जना पुगेको हो । 

  संक्रमित मध्ये १४ जनाको मृत्यु भएको ईडीसीडीले जनाएको छ । यस्तै डेंगु संक्रमण ७५ जिल्लामा फैलिएको ईडीसीडीले जनाएको छ । संक्रमण देखिएको जिल्लाहरू मध्ये सबैभन्दा धेरै  १२ हजार ४३१ जनामा संक्रमित सुनसरी जिल्लामा छन् ।  दोस्रोमा २ दुई हजार २४९ जना मोरङमा संक्रमण पुष्टि भएको छ ।