एजेन्सी, २२ असोज । संयुक्त राष्ट्रसंघका लागि इरानको मिसनले दक्षिणी इजरायलमा हमास लडाकुहरूले गरेको आक्रमणमा आफू संलग्न नभएको बताएको छ ।
समाचार एजेन्सी रोयर्सका अनुसार मिसनले आइतवार एक विज्ञप्ति जारी गर्दै भनेको छ, ‘हामी प्यालेस्टाइनको समर्थनमा दृढताका साथ खडा छौँ । तर प्यालेस्टाइनको यो प्रतिक्रियामा हामी संलग्न छैनौँ । यो कारबाही प्यालेस्टाइनको तर्फबाट मात्रै गरिएको हो ।’
यसअघि हमासले शनिबार भएको आक्रमणमा इरानले सहयोग गरेको दाबी गरिएको थियो । इरानले वर्षौंदेखि हमासलाई समर्थन गर्दै आएको छ र आफ्ना लडाकुहरूलाई हतियार र तालिम प्रदान गर्दै आएको छ। चरमपन्थी समूहले इरानको सहयोगले नियोजित आक्रमण गर्न मद्दत मिलेको बताएको थियो ।
प्रतिक्रिया दिनुहोस्