जंगली च्याउ खाएर तीन जना बिरामी

गुल्मी, १४ कार्तिक । गुल्मीमा जंगली च्याउ खाएर तीन जना बिरामी परेका छन् ।

जिल्ला प्रहरी कार्यालय गुल्मीका अनुसार इस्मा गाउँपालिका-६ बुल्मका ३९ वर्षीया सरिता कुमाल, ११ वर्षका विमल कुमाल र ८ वर्षीया सुस्मा कुमाल बिरामी परेको हो ।

जंगली विषालु च्याउ खाएर बिरामी परेका तीन जनालाई थप उपचारको लागि पाल्पास्थित मिसन अस्पतालमा उपचारको लागि लगिएको छ । उनीहरुको अवस्था मध्यम रहेको प्रहरीले जनाएको छ ।