भूकम्प अपडेट : जाजरकोटमा मृत्यु हुनेको सङ्ख्या ९२ पुग्यो

काठमाडौँ, १८ कार्तिक । जाजरकोटको रामेडाँडा केन्द्रबिन्दु भएर गएको भूकम्पमा परेर मृत्यु हुनेको सङ्ख्या ९२ पुगेको छ ।

जाजरकोट प्रहरीका अनुसार भूकम्पमा परेर मृत्यु हुनेको सङ्ख्या ९२ पुगेको हो । भूकम्पका कारण भेरी नगरपालिका स्थित खलङ्गा बजार र नलगाढ नगरपालिकामा धेरै क्षति पुगेको छ ।

भूकम्पका कारण ५५ जना घाइते भएका छन् । घाइतेहरूको सङ्ख्या लगातार बढिरहेको बताइएको ।  घाइतेहरूको जिल्ला अस्पताल खलङ्गामा उपचार हुँदै छ । अस्पताले केही घाइतेहरूलाई सुखेततर्फ रिफर गरेको छ ।